1 Minute News

အမေရိကန်နိုင်ငံတွင်းမှာ မိုင်ပေါင်း ၂,၃၀၀ ကျော် ဖြတ်သန်းပြီး ငြိမ်းချမ်းရေး တရားဓမ္မတွေ ဟောကြားပြသခဲ့တဲ့ ဗီယက်နမ်နွယ်ဖွား ဆရာတော်အရှင်ပညာကာရ ( Walk For Peace ) ငြိမ်းချမ်းရေးလမ်းလျှောက်ခရီးကတွေ့ရှိသိမြင်မှုတွေ၊ ၂၀၂၁ ခုနှစ် အရှေ့ပိုင်းကာလက မြန်မာမှာနေထိုင်သီတင်းသုံးပြီး ဝိပဿနာတရားအားထုတ်ခဲ့ပုံ၊ မြန်မာနိုင်ငံနဲ့ ပတ်သက်ပြီး ဆရာတော်ရဲ့ အတွေ့အကြုံကို ဘီဘီစီမြန်မာပိုင်းက ဆက်သွယ်လျှောက်ထားမေးမြန်းထားပါတယ်။ မေးမြန်းချက်အပြည့်အစုံကို ဒီရုပ်သံမှာကြည့်ရှုနိုင်ပါပြီ။ #ဘီဘီစီမြန်မာပိုင်း #walkforpeace #အရှင်ပညာကာရ #VenerableBhikkhuPaññākāra

Yangon 2026 – ရှင်သန်ဖို့ပဲ ကြိုးစားနေရတဲ့မြို့ ————————— တစ်ချိန်က “မအိပ်တဲ့မြို့” လို့ ခေါ်ခဲ့တဲ့ ရန်ကုန်ဟာ အခုတော့ မီးပြတ်၊ ရေပြတ်၊ မလုံခြုံမှုတွေနဲ့ ရှင်သန်ဖို့ပဲ ကြိုးစားနေရတဲ့ မြို့တစ်မြို့ ဖြစ်လာနေပါတယ်။ ညဘက်စောစော တိတ်ဆိတ်သွားတဲ့ လမ်းတွေ၊ နေ့စဉ်ကြုံနေရတဲ့ စိုးရိမ်မှုတွေနဲ့အတူ ရေမရ မီးမလာတဲ့ အထပ်မြင့်တိုက်ခန်း ဘဝတွေက မြို့ခံတွေရဲ့ နေ့စဉ်ဖြတ်သန်းမှု ဖြစ်လာခဲ့ပါတယ်။ စီးပွားရေးအကျပ်အတည်း၊ ကုန်ဈေးနှုန်းမြင့်တက်မှု၊ အလုပ်အကိုင်ရှားပါးမှုတွေအပြင် လူငယ်တွေ မြို့ကနေစွန့်ခွာနေတဲ့ အခြေအနေတွေကြားမှာ ရန်ကုန်ဟာ အရင်ကလို အနာဂတ်ကို စီမံကိန်းချတဲ့မြို့ မဟုတ်တော့ဘူးလို့ မြို့ခံတွေက ပြောကြပါတယ်။ ဒီရုပ်သံမှာတော့ စစ်အာဏာသိမ်းပြီး ၅ နှစ်ကျော်အတွင်း ပြောင်းလဲသွားတဲ့ ရန်ကုန်မြို့ရဲ့ နေ့စဉ်ဘဝအခြေအနေတွေကို မြို့ခံတွေရဲ့ အသံတွေနဲ့အတူ တင်ဆက်ထားပါတယ်။ ကိုလှိုင်း/ Myanmar Now #Yangon #Myanmar #ရန်ကုန် #MyanmarNow

မြန်မာနိုင်ငံတဝန်းမှာ အခြေခံပညာကျောင်းတွေ ပြန်လည်ဖွင့်လှစ်တော့မယ့်ကာလရောက်ရှိလာပြီဖြစ်ပေမယ့် မိဘပြည်သူတွေအတွက်တော့ ဝမ်းသာရမယ့်အစား စိုးရိမ်ပူပန်မှုတွေနဲ့အတူ ရင်လေးနေကြရပါတယ်။ အာဏာသိမ်းအစိုးရအနေနဲ့ အခြေခံပညာကနေ Grade-9 အထိ အခမဲ့ပညာရေးစနစ်ကို ကျင့်သုံးသွားမယ်လို့ ကြေညာထားပေမယ့်လ က်တွေ့မြေပြင်မှာတော့ ကျောင်းသားတဦးရဲ့ ကျောင်းဝတ်စုံ၊ ကျောပိုးအိတ်နဲ့ ဖိနပ်အစရှိတဲ့ တကိုယ်ရည်သုံးပစ္စည်းတွေအတွက်တင် အနည်းဆုံး ကျပ်သုံးသိန်းခွဲဝန်းကျင်လောက်အထိ ကုန်ကျစရိတ်ရှိနေတာပါ။ ဒါဟာ အခမဲ့ပညာရေးလို့ ဆိုထားပေမယ့် သာမန်ဝင်ငွေရှိတဲ့ မိသားစုတွေအတွက်တော့ ကလေးတယောက် ကျောင်းထားနိုင်ဖို့တောင်စိန်ခေါ်မှုတွေ ဖြစ်နေရပါတယ်။ ပညာရေးဟာ လူတိုင်း လက်လှမ်းမီတဲ့ အခြေခံအခွင့်အရေးတခု ဖြစ်သင့်ပေမယ့် လက်ရှိ မြန်မာနိုင်ငံရဲ့ အခြေအနေမှာတော့ ကလေးတယောက် ပညာသင်ယူနိုင်ဖို့ဆိုတာ မိဘတွေအဖို့ ရုန်းကန်နေရတဲ့ ဝန်ထုပ်ဝန်ပိုးတခု ဖြစ်နေပါတယ်။ #မြန်မာ #ဧရာဝတီ #ပညာရေး #ကျောင်းသား #Education #What'sHappensInMyanmar

အရှေ့အလယ်ပိုင်းအရေးကြောင့် လောင်စာဆီ အကျပ်အတည်းနဲ့ မြေသြဇာသုံးစွဲမှု လျှော့ချရတာကြောင့် မြန်မာမှာ အခြေခံကုန်စျေးနှုန်းတွေ အရင်ထက် ၁၉ ရာခိုင်နှုန်းမြင့်တက်ခဲ့တယ်လို့ ကမ္ဘာ့စားနပ်ရိက္ခာအစီအစဥ် WFP က ပြီးခဲ့တဲ့ ဧပြီလတုန်းက သတိပေးထားပါတယ်။ ဒီအကျပ်အတည်းအခက်အခဲဟာ တစ်ကမ္ဘာလုံးကြုံနေရပေမဲ့ မြန်မာလို စစ်တပ်အာဏာသိမ်းမှုနဲ့ ပြည်တွင်းပဋိပက္ခတွေကြီးထွားနေပြီး ပုံမှန် အခြေအနေ မရှိတဲ့အနေအထားမှာ ကုန်စျေးနှုန်းကြီးမြင့်မှုဒဏ်ကို ပိုမိုခါးစည်းခံလာနေရပါတယ်။ ဒါ့အပြင်အရှေ့တောင်အာရှဒေသတွင်းနိုင်ငံတွေထဲ တစ်နေ့လုပ်ခလစာ အနည်းဆုံး နိုင်ငံတစ်နိုင်ငံဖြစ်နေတဲ့မြန်မာမှာ လက်ရှိအကျပ်အတည်းက လူထုနေ့စဥ်ဘဝကို ဘယ်လောက်ထိရိုက်ခတ်နေပါသလဲ။ အပြည့်အစုံကို ကိုမောင်က ပြောပြထားပါတယ်။ #ဘီဘီစီမြန်မာပိုင်း

တေးသံရှင် ထူးအိမ်သင် ရေးပြီး တေးသံရှင် မွန်းအောင် သီဆိုခဲ့ကာ တော်လှန်ရေးတေးသီချင်းအဖြစ် လူသိများထင်ရှားတဲ့ နှစ် ၄၀ နီးပါးသက်တမ်းရှိ ''သွေးသစ္စာ'' (အရေးကြီးပြီ) သီချင်းကို စစ်တပ်က ‘’စစ်သားသွေးနီရှေ့သို့ချီ’’ ဆိုတဲ့ နာမည်နဲ့ စစ်တပ်ရဲ့ မြဝတီရုပ်သံကနေ စိတ်ဓာတ်စစ်ဆင်ရေးသီချင်းအဖြစ် ထုတ်လွှင့်လာပါတယ်။ မြဝတီရုပ်သံရဲ့အင်တာဗျူးအစီအစဥ်မှာလည်း ''စစ်သားသွေးနီရှေ့သို့ချီ'' စစ်တပ်သီချင်း ကို စီစဥ် ထုတ်လုပ်ခဲ့တယ်ဆိုတဲ့ ကိုဝင်းမော် (ရွှေသံစဥ်) ဆိုသူက ဒီသီချင်းဟာ ၁၉၆၀ လောက်က တေးရေး ဇာနည်စစ်သွေးက ရေးဖွဲ့ခဲ့တာလို့ ပြောပါတယ်။ အဲဒီသီချင်းကို တေးရေး/တေးဆို ထူးအိမ်သင်က ယူငင်ခဲ့တာလို့လည်း စွပ်စွဲဖြေကြားထားတာ တွေ့ရပါတယ်။ ဒီသီချင်းကို တေးသံရှင် ထူးအိမ်သင် ရေးစပ်ခဲ့ချိန်က အတူရှိခဲ့သလို သီချင်းရဲ့မူရင်းအဆိုရှင်အဖြစ်လူသိများတဲ့ တေးသံရှင်မွန်းအောင်ကို ဘီဘီစီက ဆက်သွယ်ပြီး '' သွေးသစ္စာ'' သီချင်းရဲ့ နောက်ခံအကြောင်းအရာတွေ၊ စစ်တပ်က အခုအချိန်မှာ ဒီသီချင်းနဲ့ပတ်သက်ပြီး ရေးသားသူနဲ့ စစ်တပ်သီချင်းအဖြစ်ပြောကြားလာမှုတွေအပေါ် သူ့ရဲ့သဘောထားကို ဂျပန်မှာ ဖျော်ဖြေပွဲရောက်နေတဲ့ ကိုမွန်းအောင်ကို ဆက်သွယ်မေးကြည့်ထားပါတယ်။ #ဘီဘီစီမြန်မာပိုင်း #သွေးသစ္စာ #မွန်းအောင်