ရုပ်သံ သတင်း

စစ်တောင်းမြစ်အရှေ့ဘက်ရှိ စစ်ကောင်စီ၏ ဆွာမကြီးအထိုင်စခန်းကို တော်လှန်ရေးတပ်ဖွဲ့များ သိမ်းပိုက်၊ စစ်တပ်ဘက်မှ အရာရှိအပါအဝင် ၂၀ ဦးခန့် သေဆုံး ဆွာမကြီး ၊ ဇွန် ၈ ၊ Horizons စစ်တောင်းမြစ်အရှေ့ဘက်ဒေသ၊ ဆွာမကြီးကျေးရွာတွင် တပ်စွဲထားသော အကြမ်းဖက်စစ်ကောင်စီ၏ အထိုင်စခန်းတစ်ခုကို တော်လှန်ရေးပူးပေါင်းတပ်ဖွဲ့များက ပြီးခဲ့သည့် ၂၀၂၅ ခုနှစ်၊ ဇွန်လ (၃) ရက်နေ့တွင် အောင်မြင်စွာ ဝင်ရောက်တိုက်ခိုက် သိမ်းပိုက်နိုင်ခဲ့ကြောင်း အမှတ် (၂) စစ်ဒေသ၊ အမှတ် (၈၀၅) တပ်ရင်း၊ ထနောင်းစစ်ကြောင်းမှ သတင်းထုတ်ပြန်လိုက်သည်။ အဆိုပါ သိမ်းပိုက်ခံလိုက်ရသော စစ်ကောင်စီစခန်းမှာ ဗိုလ်မှူး ကျော်လင်းအောင် (ကြည်း-၄၄၇၂၉) ဦးစီးသည့် အထိုင်စခန်းဖြစ်ပြီး၊ အမှတ် (၈၀၅) တပ်ရင်း၊ ထနောင်းစစ်ကြောင်းနှင့် နေပြည်တော်တပ်ပေါင်းစုတို့ ပူးပေါင်းကာ ဝင်ရောက်ရှင်းလင်းချေမှုန်းခဲ့ခြင်း ဖြစ်သည်။ တိုက်ပွဲဖြစ်ပွားစဉ်အတွင်း အကြမ်းဖက်စစ်တပ်ဘက်မှ တိုက်လေယာဉ် (၂) စီး အသုံးပြုကာ လေကြောင်းမှ အပြင်းအထန် ခုခံကာကွယ်ခဲ့သော်လည်း တော်လှန်ရေးတပ်ပေါင်းစုများက အောင်မြင်စွာ အပြီးသတ် သိမ်းပိုက်နိုင်ခဲ့ခြင်းဖြစ်သည်။ ယင်းတိုက်ပွဲအတွင်း စစ်ကောင်စီဘက်မှ အရာရှိအပါအဝင် (၂၀) ဦးခန့် သေဆုံးခဲ့ပြီး အမှတ် (၈၀၅) တပ်ရင်း၊ ထနောင်းစစ်ကြောင်းဘက်မှ ရဲဘော်တစ်ဦး ထိခိုက်ဒဏ်ရာ ရရှိခဲ့ကြောင်း သိရသည်။ တော်လှန်ရေးပူးပေါင်းတပ်ဖွဲ့များက ရန်သူ့အထိုင်စခန်းအား ဝင်ရောက်ရှင်းလင်းရာတွင် လက်နက်ခဲယမ်းနှင့် အသုံးအဆောင် အမြောက်အမြားကိုပါ သိမ်းဆည်းရမိခဲ့သည်။ သိမ်းဆည်းရမိသည့် လက်နက်များထဲတွင် G-3 သေနတ် (၁၁) လက်၊ MA-3 (၁) လက်၊ MA-11 (၁) လက်၊ ပစ္စတို (၁) လက်နှင့် ခဲယမ်းမျိုးစုံ (၁၀၀၀) ကျော် ပါဝင်ကြောင်း သိရသည်။ ထို့အပြင် အီနာဂါ (၅) ခု၊ နင်းမိုင်း (၂) လုံး၊ ၁၄ မိုင်း (၃) လုံး၊ ၆၀ မမ ပို့ယမ်း (၁၅) တောင့်၊ G-3 ကျည်ဘောက် (၇) ဘောက်၊ MA ကျည်ဘောက် (၂) ဘောက်တို့အပြင် စစ်ကောင်စီတပ်ဖွဲ့ဝင်များ အသုံးပြုသည့် စားနပ်ရိက္ခာများနှင့် ဆေးဝါးပစ္စည်းများကိုပါ ရှင်းလင်းသိမ်းဆည်းနိုင်ခဲ့ကြောင်း သတင်းထုတ်ပြန်ချက်တွင် ဖော်ပြထားသည်။ Video – တပ်ရင်း 805 - Nay Pyi Taw PDF #HorizonsNews #စစ်တောင်းမြစ် #ဆွာမကြီးကျေးရွာ #အမှတ်၈၀၅တပ်ရင်း #ထနောင်းစစ်ကြောင်း #နေပြည်တော်တပ်ပေါင်းစု #ပြည်တွင်းသတင်း #MyanmarNews

ဒီကနေ့ ည ၈ နာရီ Horizons News ရဲ့ နေ့စဉ်သတင်းအစီအစဉ်မှာ ပြည်တွင်းပြည်ပက အရေးကြီးတဲ့ နောက်ဆုံးရ သတင်းအကြောင်းအရာတွေကို စုစည်းတင်ဆက်ပေးထားပါတယ်။ ယနေ့ အဓိက ပါဝင်မည့် သတင်းများ - နေပြည်တော်ကို ဝိုင်းပတ်မယ့် စစ်ဆင်ရေး အရှိန်မြှင့်တင် နေပြည်တော်နဲ့ မိုင် ၄၀ ကျော်အကွာက ဆွာမကြီးစခန်းကို PDF တပ်ဖွဲ့များ အောင်မြင်စွာ သိမ်းပိုက်နိုင်ခဲ့ပြီး တိုက်ပွဲအတွင်း စစ်ကောင်စီဘက်မှ ဗိုလ်မှူးတစ်ဦးအပါအဝင် ၂၀ ဦး သေဆုံးကာ လက်နက်ခဲယမ်းများ သိမ်းဆည်းရမိခဲ့ပါတယ်။ တောင်ငူတွင် မင်းအောင်လှိုင် သေကံမရောက် သက်လွတ်ပြေးရ တောင်ငူမြို့ကို ခိုးကြောင်ခိုးဝှက် ရောက်ရှိနေတဲ့ အကြမ်းဖက်စစ်ခေါင်းဆောင် မင်းအောင်လှိုင် ပြန်လည်ထွက်ခွာပြီး ၁၅ မိနစ်အကြာမှာပဲ စစ်ဆေးရုံနဲ့ လေတပ်အတွင်းကို BWM နဲ့ KNLA ပူးပေါင်းအဖွဲ့က ရှော့တိုက်ဒုံး ၄ လုံးနဲ့ အချိန်ကိုက် ပစ်ခတ်တိုက်ခိုက်ခဲ့ပါတယ်။ အကြမ်းဖက်စစ်တပ် လေကြောင်းတိုက်ခိုက်မှု အရပ်သားများ သေဆုံး ရေတာရှည်၊ ဆောနဲ့ ချောင်းဦးမြို့နယ်တွေမှာ တိုက်ပွဲဖြစ်ပွားခြင်းမရှိဘဲ Y12၊ Gyrocopter များနဲ့ အကြောင်းမဲ့ ဗုံးကြဲတိုက်ခိုက်ခဲ့လို့ အပြစ်မဲ့ ပြည်သူ ၃ ဦး သေဆုံးကာ အများအပြား ထိခိုက်ဒဏ်ရာရရှိခဲ့ပါတယ်။ ဒေါ်အောင်ဆန်းစုကြည်ရဲ့ ၈၁ နှစ်ပြည့် မွေးနေ့ဆုတောင်းပွဲ ဆစ်ဒနီတွင် ကျင်းပ သြစတြေးလျနိုင်ငံမှာ ကျင်းပခဲ့တဲ့ ဆုတောင်းပွဲမှ ရန်ပုံငွေ သြစတြေးလျဒေါ်လာ ၆ သောင်းကျော် ရရှိခဲ့ပြီး နိုင်ငံရေးအကျဉ်းသားများနဲ့ လူသားချင်းစာနာမှု အကူအညီလိုအပ်နေသူများအတွက် အသုံးပြုသွားမှာဖြစ်ပါတယ်။ ၂၀၂၆ ကမ္ဘာ့ဖလား အမေရိကန်နဲ့ အီရန် ဗီဇာပြဿနာ အီရန်အမျိုးသားဘောလုံးအသင်းရဲ့ အရေးကြီးဝန်ထမ်း ၁၅ ဦးကို အမေရိကန်က ပြည်ဝင်ခွင့်ဗီဇာ ငြင်းဆန်ခဲ့တဲ့အတွက် အီရန်ဘက်က ပြင်းပြင်းထန်ထန် တုံ့ပြန်ခဲ့ပြီး FIFA မှ ကြားဝင်ဖြေရှင်းပေးရန် တောင်းဆိုထားပါတယ်။ သတင်းအပြည့်အစုံကို အောက်ပါ Website လင့်ခ်တွင် ဝင်ရောက်ဖတ်ရှုနိုင်ပါသည်။ www.thehorizonsnews.com နေ့စဉ် နောက်ဆုံးရသတင်းများကို အချိန်နဲ့တပြေးညီ သိရှိနိုင်ဖို့ Horizons News ရဲ့ Facebook, Telegram နဲ့ TikTok စာမျက်နှာတွေကို Follow လုပ်ထားဖို့ မမေ့ပါနဲ့နော်။ #HorizonsNews #MyanmarNews #နောက်ဆုံးရသတင်းများ #SpringRevolution #NUG #PDF #AungSanSuuKyi #WorldCup2026

ခမ်းပတ်မြို့အနီး တိုက်ပွဲတွေကြောင့် တမူး နဲ့ ကလေးမြို့ကို စစ်တပ်က ဝင်ထွက်ခွင့် ပိတ်ထား ဇွန် ၈ ၊ Horizons ( ရုပ်သံ ) #ခမ်းပတ် #ကလေး #တမူး #စကစ #လမ်းပိတ် #ရုပ်သံ

စစ်ကိုင်း၊ ဇွန် ၇ ၊ Horizons စစ်ကိုင်းတိုင်း၊ ချောင်းဦးမြိုနယ်မှာ တော်လှန်ရေးတပ်ဖွဲတွေက အကြမ်းဖက်စစ်တပ်လက်အောက်ခံ ဝန်ထမ်းတွေကို သတ်ဖြတ်တယ်ဆိုပြီး အကြမ်းဖက်စစ်တပ်လော်ဘီတွေက သတင်းဖြန့်ဝေနေပေမဲ့ တော်လှန်ရေးတပ်တွေရဲ့ ထိန်းသိမ်းစစ်ဆေးခြင်းခံနေရတဲ့ ကာယကံရှင်ဝန်ထမ်းတွေကိုယ်တိုင်က သတင်းအမှားတွေသာ ဖြစ်ပြီး မဟုတ်မှန်ကြောင်းနဲ့ ကောင်းမွန်စွာ ရှိနေတယ်ဆိုတဲ့အကြောင်းကို ရုပ်သံတွေနဲ့ တကွ ထွက်ဆိုရှင်းလင်းလာတာ ဖြစ်ပါတယ်။ ချောင်းဦးမြိုနယ်ပကဖဒုတာဝန်ခံကတော့ အကြမ်းဖက်စစ်တပ်လော်ဘီတွေက အခုလို သတင်းအမှား ဖြန့်ဝေ တာက တော်လှန်ရေးတစ်ခုလုံးကိုရော NUG အစိုးရယန္တရားကိုပါ နိုင်ငံရေးသိက္ခာ၊ တော်လှန်ရေးသိက္ခာ ကျဆင်းအောင် ရည်ရွယ်ချက်ရှိရှိ အစီအစဉ်တကျ စုပြုံပြီး ဝိုင်းလှော်နေတဲ့အနေအထားဖြစ်တယ်လို Horizons News ကို ပြောပါတယ်။ ခေါင်းဖြတ်သတ်ခံရတယ်လို သတင်းထွက်ပေါ်ခဲ့တဲ့ အထွေထွေအုပ်ချုပ်ရေးဦးစီးဌာနမှ အငယ်တန်းစာရေး ဦးကျော်ကျော်နိုင်နဲ့ ဇနီးဖြစ်သူ ဒေါ်သီတာမြင့်(အထွေထွေအုပ်ချုပ်ရေးဦးစီးဌာန၊ အငယ်တန်းစာရေး)၊ အရာတော်မြိုနယ်နေ ဒေါ်ပပဦး(ဒုလယ်ပြ)၊ ချောင်းဦးမြိုနယ် အမှတ် ၃ မူလတန်းလွန်ကျောင်းမှ မူပြဆရာမ ဒေါ်ခင်စန်းဌေးတိုက ကျန်းမာပြီး ကောင်းမွန်စွာ ရှိနေတယ်လို ရုပ်သံမှတ်တမ်းနဲ့တကွ ပြောဆိုထားပါတယ်။ အကြမ်းဖက်စစ်တပ်လော်ဘီတွေက ပခုက္ကူ - ချောင်းဦးလမ်း၊ မြိုအဝင်၊ ထွန်းညိုလူတန်ပိုဂိတ်အနီးမှာ ခေါင်းပြတ်များနဲ့အတူ ဒေါ်ပပဦး ၊ ဒေါ်ခင်စန်းဌေး ၊ ဦးစိုးတင့် ၊ ဦးကျော်ကျော်နိုင် + ဒေါ်သီတာမြင့် ဇနီးမောင်နှံတိုနဲ့ ဆရာတော် ဦးပညာ နဲ့ ခန်းနေကိုယ်တော် တို၏ ရုပ်အလောင်းများကို တော်လှန်ရေးတပ်တွေက စွန့်ပစ်ထားတယ်လို ပြီးခဲ့တဲ့ မေ ၂၈ ရက်နေ့မှာ သတင်းမှားဖြန့်ဝေခဲ့တာ ဖြစ်ပါတယ်။ ချောင်းဦးပကဖဒုတိယတာဝန်ခံက “ ချောင်းဦး ဒေသခံတွေ အားလုံးသိပါတယ်။ သူတို လှော်နေတဲ့တိုးဂိတ်မှာ သူတိုမဟုတ်မမှန် ဝါဒဖြန့်သလို ခုနစ်လောင်းစုပုံထားပါတယ်ဆိုတဲ့ဖြစ်စဉ်မျိုး လုံးဝ မရှိခဲ့ပါဘူး” လို ပြောပါတယ်။ တော်လှန်ရေးတပ်တွေ ထိန်းချုပ်ထားတဲ့ချောင်းဦးမြိုနယ်အတွင်းက ကျေးရွာတွေမှာ အကြမ်းဖက်စစ်တပ်လက် အောက်မှာ လုပ်ကိုင်နေတဲ့ ဝန်ထမ်းတွေ အများကြီး ရှိနေတဲ့အထဲက စစ်ဆေးမေးမြန်းဖို လိုအပ်သူတွေကို ခေါ်ယူစစ်ဆေးနေတဲ့အခြေအနေသာဖြစ်တယ်လို ချောင်းဦးပကဖ ဒုတာဝန်ခံက ဆက်ပြောပါတယ် အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက ပြည်သူ့ကာကွယ်ရေးတပ်မတော်နဲ့ ပြည်သူ့ ကာကွယ် ရေး အဖွဲ (ပကဖ) တပ်ဖွဲဝင် တွေကို COC နှစ်ရပ်နဲ့အညီ ထိန်းကြောင်းကွပ်ကဲထားတာ ဖြစ်ပါတယ်။ #HorizonsNews #ချောင်းဦးမြို့နယ် #စစ်ကိုင်းတိုင်း #သတင်းတု #FakeNews #သတင်းမှား #NUG #PDF #ပကဖ #ပြည်တွင်းသတင်း #MyanmarNews

ဒီကနေ့ ည ၈ နာရီမှာ Horizons News ကနေ တင်ဆက်ပေးခဲ့တဲ့ ပြည်တွင်း၊ ပြည်ပ အဓိကသတင်းများကို အောက်ပါအတိုင်း အကျဉ်းချုပ် ဖတ်ရှုနိုင်ပါတယ်- ချောင်းဦးတွင် ဝန်ထမ်းများ သတ်ဖြတ်ခံရကြောင်း ဝါဒဖြန့်မှု ကာယကံရှင်များ ကိုယ်တိုင် ရှင်းလင်း ချောင်းဦးမြို့နယ်တွင် တော်လှန်ရေးတပ်ဖွဲ့များက ဝန်ထမ်းများကို ခေါင်းဖြတ်သတ်ဖြတ်သည်ဆိုသော သတင်းမှာ လုပ်ကြံဖန်တီးထားသည့် သတင်းအမှားသာဖြစ်ကြောင်း ကာယကံရှင်များကိုယ်တိုင် ရုပ်သံဖြင့် အတည်ပြု ရှင်းလင်းထားပါတယ်။ ဆွာမကြီး စစ်ကောင်စီ အထိုင်စခန်း သိမ်းပိုက်ခံရ စစ်တောင်းမြစ်အရှေ့ဘက်၊ ဆွာမကြီးကျေးရွာရှိ စစ်ကောင်စီအထိုင်စခန်းကို တော်လှန်ရေးပူးပေါင်းတပ်ဖွဲ့များက အောင်မြင်စွာ သိမ်းပိုက်နိုင်ခဲ့ပြီး စစ်ကောင်စီဘက်မှ ဗိုလ်မှူးတစ်ဦးအပါအဝင် ၂၀ ခန့် သေဆုံးကာ လက်နက်ခဲယမ်းများ သိမ်းဆည်းရမိခဲ့ပါတယ်။ စစ်ရေးပြင်းထန်နေသည့် တမူး-ခမ်းပတ် လမ်းကြောင်း တမူး-ခမ်းပတ် လမ်းကြောင်းပေါ်တွင် တိုက်ပွဲများ ပြင်းထန်နေပြီး နန်းမွန်းတာရွာကို တော်လှန်ရေးတပ်ဖွဲ့များဘက်က လက်လွှတ်လိုက်ရကာ အိန္ဒိယနယ်စပ်ဘက်သို့ တိမ်းရှောင်လာသည့် ဒေသခံများကိုလည်း အိန္ဒိယအစိုးရက ဝင်ရောက်ခွင့် ပိတ်ပင်ထားပါတယ်။ ရွှေကူမြို့မှ ပြည်သူများ အမြန်ဆုံးထွက်ခွာရန် KIA သတိပေး ရွှေကူမြို့အတွင်းရှိ ပြည်သူများ အမြန်ဆုံးထွက်ခွာကြရန်နှင့် ငါးအိုး-ရွှေကူ လမ်းပိုင်း အပါအဝင် မြို့အဝင်လမ်းမကြီးများကို ရက်အကန့်အသတ်မရှိ သွားလာခွင့် ပိတ်ပင်လိုက်ကြောင်း KIA က အရေးပေါ် သတိပေးချက် ထုတ်ပြန်ထားပါတယ်။ ကျောက်ဖြူတွင် စစ်ကောင်စီ လေကြောင်းဗုံးကြဲမှုကြောင့် စစ်ဘေးရှောင်များ ဒဏ်ရာရ ကျောက်ဖြူမြို့နယ်ရှိ သစ်ကတိုး၊ ကုလားတွင်းနှင့် ဘယာကျေးရွာများကို စစ်ကောင်စီက Y-12 လေယာဉ်ဖြင့် ဆက်တိုက် ဗုံးကြဲတိုက်ခိုက်ခဲ့သဖြင့် စစ်ဘေးရှောင် ပြည်သူ သုံးဦး ဗုံးစထိမှန် ဒဏ်ရာရရှိခဲ့ပါတယ်။ ရှမ်းမြောက်ဒေသ သဘာဝဘေးအန္တရာယ် အခြေအနေ နမ့်ခမ်းမြို့တွင် မိုးသည်းထန်စွာ ရွာသွန်းပြီး ရေနုတ်မြောင်းများ ပိတ်ဆို့နေသဖြင့် ရေကြီးရေလျှံမှု ဆိုးရွားစွာ ဖြစ်ပေါ်ခဲ့ကာ အမြန်ဆုံး ရှင်းလင်းပေးရန် ဒေသခံများက တောင်းဆိုနေကြပါတယ်။ အလားတူ တန့်ယန်းမြို့တွင်လည်း မြေထိန်းနံရံ ပြိုကျပိမိသဖြင့် အမျိုးသမီးတစ်ဦး အသက်ဆုံးရှုံးခဲ့ရပါတယ်။ ဖိလစ်ပိုင်တွင် အင်အားပြင်း ငလျင်လှုပ်ခတ် ဖိလစ်ပိုင်နိုင်ငံတောင်ပိုင်း မင်ဒါနာအို ကမ်းလွန်ပင်လယ်ပြင်တွင် ပြင်းအား ၇.၈ အဆင့်ရှိ အင်အားပြင်း ငလျင်ကြီး လှုပ်ခတ်ခဲ့ပြီး ဖိလစ်ပိုင်၊ အင်ဒိုနီးရှားနှင့် ဂျပန်နိုင်ငံတို့တွင် ဆူနာမီ သတိပေးချက်များ ထုတ်ပြန်ထားပါတယ်။ နေ့စဉ် နောက်ဆုံးရသတင်းများကို အချိန်နှင့်တပြေးညီ သိရှိနိုင်ရန် ကျွန်ုပ်တို့၏ လူမှုကွန်ရက် စာမျက်နှာများကို Follow လုပ်ထားရန် ဖိတ်ခေါ်အပ်ပါသည်။ #HorizonsNews #HighlandHorizonNews #MyanmarNews #DailyNews #SpringRevolution #NUG #PDF #KIA #TNLA #NewsUpdate

Horizons News ည ၈ နာရီ နောက်ဆုံးရသတင်းများ (၉.၆.၂၀၂၆) ဒီကနေ့ ည ၈ နာရီမှာ Horizons News ကနေ တင်ဆက်ပေးခဲ့တဲ့ ပြည်တွင်း၊ ပြည်ပ အဓိကသတင်းများကို အောက်ပါအတိုင်း အကျဉ်းချုပ် ဖတ်ရှုနိုင်ပါတယ်- မန္တလေးတွင် ညမထွက်ရအမိန့်ကို အသုံးချကာ ဖမ်းဆီးငွေညှစ် ပေါ်တာဆွဲနေ မန္တလေးမြို့ပေါ်တွင် စစ်ကောင်စီတပ်နှင့် ပျူစောထီးများက ညပိုင်းတွင် လမ်းဆုံလမ်းခွများနှင့် ရပ်ကွက်များအတွင်း အမျိုးသားများကို အဓိကထားဖမ်းဆီးကာ အဆမတန် ငွေညှစ်ခြင်းနှင့် စစ်မှုထမ်းရန် အဓမ္မပေါ်တာဆွဲခြင်းများကို အရှိန်အဟုန်ဖြင့် ပြုလုပ်နေပါတယ်။ ရွှေပြည်အေးမြို့ လုံခြုံရေးစခန်းများကို SNA စီးနင်း၊ ရဲဘော် ၂ ဦး ကျဆုံး ဟုမ္မလင်းမြို့နယ်အတွင်း NUG ထိန်းချုပ်ထားသော ရွှေပြည်အေးမြို့ လုံခြုံရေးအတွက် ချထားသည့် ကာကင်းစခန်းနှစ်ခုကို SNA က ဝင်ရောက်စီးနင်းခဲ့ရာ ပြည်သူ့ကာကွယ်ရေးရဲဘော် နှစ်ဦး မြင့်မြတ်စွာ အသက်ပေးလှူခဲ့ရပါတယ်။ ဖြူး၊ ရေစကြိုနှင့် ဆောမြို့နယ်တို့မှ မြေပြင်စစ်ရေးအခြေအနေများ ဖြူးမြို့နယ်: ရန်ကုန်-မန္တလေး လမ်းဟောင်းပေါ်ရှိ စစ်တပ်ဂိတ်စခန်းကို ပကဖအဖွဲ့ ဝင်ရောက်တိုက်ခိုက်ခဲ့ရာ နှစ်ဖက်ကျဆုံးမှုများရှိခဲ့ပြီး ပိတ်မိနေသော ပကဖရဲဘော်သုံးဦးကို အောင်မြင်စွာ ကယ်ထုတ်နိုင်ခဲ့ပါတယ်။ ရေစကြိုမြို့နယ်: ပြည်သူများကို အတင်းအဓမ္မ ပြည်သူ့စစ်တက်ခိုင်းနေသည့် ရပ်ကွက်အုပ်ချုပ်ရေးမှူးနှင့် ပျူစောထီး သားဖြစ်သူတို့ကို ဖမ်းဆီးရာမှ ထွက်ပြေးသဖြင့် ပစ်ခတ်ရှင်းလင်းခဲ့ရပါတယ်။ ဆောမြို့နယ်: မြို့တွင်းနှင့် အနီးတစ်ဝိုက်တွင် တိုက်ပွဲများ ဆက်လက်ဖြစ်ပွားနေပြီး စစ်ကောင်စီတပ်များက ပြည်သူ့နေအိမ်များကို ဖောက်ထွင်းခိုးယူမှုများ ပြုလုပ်နေပါတယ်။ တရုတ်-မြောက်ကိုရီးယား ထိပ်သီးဆွေးနွေးပွဲ ပြုံယမ်းတွင် ကျင်းပ တရုတ်သမ္မတ ရှီကျင့်ဖျင်နှင့် မြောက်ကိုရီးယားခေါင်းဆောင် ကင်ဂျုံအွန်တို့ ပြုံယမ်းမြို့တွင် တွေ့ဆုံဆွေးနွေးခဲ့ကြပြီး နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှုများ ကဏ္ဍသစ်တစ်ရပ်အဖြစ် တိုးချဲ့သွားရန် သဘောတူညီခဲ့ကြပါတယ်။ အသေးစိတ်သတင်းအပြည့်အစုံကို အောက်ပါလင့်ခ်များတွင် ဝင်ရောက်ဖတ်ရှု နားဆင်နိုင်ပါသည်။ Website: www.thehorizonsnews.com YouTube: Horizons News YouTube Channel Telegram: Horizons News Telegram TikTok: Horizons News TikTok နေ့စဉ် နောက်ဆုံးရသတင်းများကို အချိန်နှင့်တပြေးညီ သိရှိနိုင်ရန် ကျွန်ုပ်တို့၏ လူမှုကွန်ရက်စာမျက်နှာများကို Follow လုပ်ထားရန် ဖိတ်ခေါ်အပ်ပါသည်။ #HorizonsNews #MyanmarNews #DailyNews #SpringRevolution #NUG #PDF #Mandalay #NewsUpdate

Horizons News ည ၈ နာရီ နောက်ဆုံးရ ရုပ်သံသတင်း (ဇွန်လ ၆၊ ၂၀၂၆) ဒီကနေ့ ည ၈ နာရီ Horizons News ရဲ့ နေ့စဉ်သတင်းအစီအစဉ်မှာ ပြည်တွင်းပြည်ပက အရေးကြီးတဲ့ နောက်ဆုံးရ သတင်းအကြောင်းအရာတွေကို စုစည်းတင်ဆက်ပေးထားပါတယ်။ ယနေ့ အဓိက ပါဝင်မည့် သတင်းများ - မကွေးတိုင်း စစ်ရေးအခြေအနေများ: မင်းတုန်း၊ သရက်၊ မင်းလှတို့ရှိ တိုက်ပွဲအခြေအနေများနှင့် ပေါက်မြို့နယ်အတွင်းရှိ ပျူစောထီးစခန်း၊ ရဲစခန်းများကို တော်လှန်ရေးတပ်ဖွဲ့များ သိမ်းပိုက်ရရှိမှု။ ရန်ကုန်မြို့က မြေကြီးတုန်ခါမှု: လှိုင်မြို့နယ်အတွင်း မြေကြီးတုန်ခါသံကြောင့် ဒေသခံများအကြား စိုးရိမ်ပူပန်မှု မြင့်တက်။ ဖူးခက်မှ မီးဘေးသင့် မြန်မာများ: ထိုင်းနိုင်ငံ၊ ဖူးခက်ရှိ DCM အလုပ်သမားတန်းလျား မီးလောင်မှုကြောင့် မြန်မာအလုပ်သမားရာနှင့်ချီ မီးဘေးသင့်ခဲ့ရသည့် အခြေအနေ။ အမေရိကန်၏ အကူအညီ: မြန်မာအပါအဝင် နိုင်ငံတချို့အတွက် အမေရိကန်က ဒေါ်လာ သန်း ၂၄၀ ကျော် လူသားချင်းစာနာမှု အကူအညီများ ထောက်ပံ့မည်။ နမ့်ခမ်း ယမ်းဂိုဒေါင်ပေါက်ကွဲမှု နောက်ဆက်တွဲ: ကောင်းတပ်ရွာ ပေါက်ကွဲမှုကြောင့် သေဆုံးသူ ၅၇ ဦးအထိ ရှိလာပြီး ထိခိုက်ပျက်စီးမှုများပြားနေကြောင်း ဒေသခံနှင့် သီးသန့်ဆက်သွယ်မေးမြန်းချက်။ ဖယ်ခုံ ရေဘေး: ဖယ်ခုံမြို့တွင် မိုးဆက်တိုက်ရွာသွန်းပြီး ရေကြီးရေလျှံမှုများကြောင့် နေရပ်ပြန် စစ်ဘေးရှောင်များ ထပ်မံအခက်ကြုံတွေ့နေရမှု။ အပြည့်အစုံကို ရုပ်သံမှာ ဝင်ရောက်ကြည့်ရှုနိုင်ပါတယ်ရှင်။ အသေးစိတ် သတင်းအပြည့်အစုံကို ဖတ်ရှုရန် - www.thehorizonsnews.com နောက်ဆုံးရ သတင်းများကို အချိန်နှင့်တပြေးညီ သိရှိနိုင်ရန် Horizons News ၏ Facebook, Telegram, နှင့် TikTok တို့ကို Follow လုပ်ထားဖို့ မမေ့နဲ့နော်။ #HorizonsNews #MyanmarNews #ပြည်တွင်းသတင်း #နိုင်ငံတကာသတင်း #မကွေး #ရန်ကုန် #နမ့်ခမ်း #ဖယ်ခုံ #ထိုင်းရောက်မြန်မာ #NewsUpdate2026

မကြာသေးမီက နမ့်ခမ်းမြို့နယ်၊ ကောင်းတပ်ရွာတွင် ဖြစ်ပွားခဲ့သော အလွန်ပြင်းထန်သည့် ယမ်းဂိုဒေါင် ပေါက်ကွဲမှုကြီးကြောင့် ရွာတစ်ရွာလုံးနီးပါး ပျက်စီးဆုံးရှုံးခဲ့ရပြီး အပြစ်မဲ့ ပြည်သူများစွာ အသက်ဆုံးရှုံးခဲ့ရပါတယ်။ ဒီဖြစ်စဉ်နဲ့ ပတ်သက်ပြီး မြေပြင်မှာ ကိုယ်တိုင် ကူညီကယ်ဆယ်ရေးတွေ သွားရောက်လုပ်ဆောင်ပေးနေတဲ့ ဒေသခံ တစ်ဦးကို Horizons News မှ ဆက်သွယ်မေးမြန်းထားတဲ့ အင်တာဗျူး အပြည့်အစုံကို တင်ဆက်ပေးလိုက်ပါတယ်။ အင်တာဗျူးမှ သိရှိရသော မြေပြင်အခြေအနေ အကျဉ်းချုပ် - အိမ်ခြေ ၁၀၀ ခန့် ပြာကျပျက်စီး: ရွာရှိ အိမ်ခြေ ၂၀၀ ဝန်းကျင်အနက် အိမ်ခြေ ၁၀၀ ခန့်မှာ လုံးဝ ပြာကျပျက်စီးသွားခဲ့ပြီး ကျန်အိမ်များမှာလည်း အရှိန်ကြောင့် ပြင်းထန်စွာ ပျက်စီးမှုများ ရှိနေပါတယ်။ သေဆုံးသူ အရေအတွက် ပိုများလာနိုင်: လက်ရှိအချိန်ထိ အတည်ပြုနိုင်သော သေဆုံးသူ (၅၇) ဦးခန့် ရှိနေပြီဖြစ်ပါတယ်။ ဂိုဒေါင်အတွင်းရှိ အလုပ်သမား ၃၀ ကျော်အနက် ၁ ဦးသာ အသက်ရှင်လျက် ပြန်ထွက်လာနိုင်ခဲ့သောကြောင့် သေဆုံးသူစာရင်း ထပ်မံတိုးလာနိုင်ဖွယ် ရှိနေပါတယ်။ ဒုက္ခသည်များ၏ နေထိုင်ရေး: အိုးအိမ်မဲ့သွားသော ဒေသခံများသည် ကောင်းတပ်ရွာ ဘုန်းကြီးကျောင်းနှင့် ခရစ်ယာန်ဘုရားကျောင်းများတွင် ခိုလှုံနေကြရပြီး တချို့မှာ ပျက်စီးနေသော နေအိမ်များတွင် မိုးကာများဖြင့် အဆင်ပြေသလို နေထိုင်နေကြရပါတယ်။ ကူညီကယ်ဆယ်ရေး အခြေအနေ: နမ့်ခမ်းမြို့ရှိ ပရဟိတအသင်းများနှင့် အခြားအဖွဲ့အစည်းများမှ ကယ်ဆယ်ရေးလုပ်ငန်းများ၊ ဆေးရုံပို့ဆောင်ခြင်းများနှင့် သွေးလှူဒါန်းခြင်းများ လုပ်ဆောင်ပေးနေပြီး အစားအသောက်များ ချက်ပြုတ်ဖြန့်ဝေပေးမှုများလည်း ရှိနေပါတယ်။ ဒီလို ဆိုးရွားလှတဲ့ ဖြစ်ရပ်ဆိုးကြီးကြောင့် ထိခိုက်ဆုံးရှုံးခဲ့ရတဲ့ ကောင်းတပ်ရွာမှ မိဘပြည်သူတွေနဲ့ ထပ်တူ Horizons News မှ အထူးပင် ဝမ်းနည်းကြေကွဲရပါတယ်။ အရေးပေါ် လိုအပ်နေတဲ့ ကူညီကယ်ဆယ်ရေးနဲ့ ဆေးဝါးပံ့ပိုးမှုတွေလည်း အမြန်ဆုံး ရရှိပါစေလို့ ဆုတောင်းပေးလိုက်ပါတယ်။ #HorizonsNews #KaungTatVillage #ကောင်းတပ်ရွာ #ယမ်းဂိုဒေါင်ပေါက်ကွဲမှု #ExclusiveInterview #NewsUpdate