စီရော်နယ်ဒိုခေတ်လွန် ပေါ်တူဂီအသင်း၏ အသက်သွေးကြောသစ် ဖြစ်လာသည့် ဘရူနို ဖာနန်ဒက်စ်

ဇွန် ၉၊ Horizons

ကမ္ဘာ့ဖလားပြိုင်ပွဲများတွင် ပေါ်တူဂီအသင်း အောင်မြင်မှု သရဖူဆောင်းနိုင်ရေးအတွက် ယခင်ကဲ့သို့ ခေါင်းဆောင် စီရော်နယ်ဒို တစ်ဦးတည်းအပေါ် လုံးလုံးလျားလျား မှီခိုနေရသည့်ခေတ် ကုန်ဆုံးသွားပြီဟု ဆိုရမည်ဖြစ်သည်။ 

ဆယ်စုနှစ် နှစ်ခုနီးပါးခန့် အသင်း၏ မရှိမဖြစ် အသက်သွေးကြောတစ်ဦး ဖြစ်ခဲ့သည့် စီရော်နယ်ဒိုအနေဖြင့် အသက်အရွယ်အရ ရုပ်ပိုင်းဆိုင်ရာ ကြံ့ခိုင်မှုပိုင်းတွင် ရုန်းကန်လာရချိန်၌ ကွင်းလယ်ဖန်တီးရှင် ဘရူနို ဖာနန်ဒက်စ် မည်မျှအထိ ခြေစွမ်းပြနိုင်မလဲဆိုသည့် အချက်က ပေါ်တူဂီအသင်း၏ အနာဂတ်ကို အဆုံးအဖြတ်ပေးမည့် အဓိကသော့ချက် ဖြ စ်လာခဲ့သည်။

မကြာသေးမီက ယှဉ်ပြိုင်ကစားခဲ့သော ချီလီအသင်းနှင့် ပွဲစဉ်တွင် ဘရူနို ဖာနန်ဒက်စ်သည် အသင်းအတွက် အရေးပါသော ဦးဆောင်ဂိုးကို လှပသေချာစွာ ကန်သွင်းယူပေးခဲ့သည်။ ၎င်း၏ ကစားဟန်သည် သာမန် ပုံမှန်ခြေစွမ်းပြမှုထက် ကျော်လွန်ပြီး ကွင်းအတွင်းရှိ ပေါ်တူဂီအသင်းသား တစ်ရပ်လုံးကိုပါ တက်ကြွလှုပ်ရှား အသက်ဝင်လာစေရန် စွမ်းဆောင်နိုင်ခဲ့သည်ကို မြင်တွေ့ခဲ့ရသည်။

ခေါင်းဆောင်မှုပုံစံ အပြောင်းအလဲထူးခြားချက်အနေဖြင့် အဆိုပါပွဲစဉ်တွင် စီရော်နယ်ဒို လူစားလဲခံရချိန်၌ ဘရူနို ဖာနန်ဒက်စ်က အသင်းခေါင်းဆောင် လက်ပတ်ကို လွှဲပြောင်းရယူကာ တာဝန်ယူ ဦးဆောင်ခဲ့ခြင်းသည် ပေါ်တူဂီအသင်း၏ ခေါင်းဆောင်မှုကဏ္ဍ အပြောင်းအလဲကို ထင်ရှားစွာ သက်သေပြလိုက်ခြင်းပင်ဖြစ်သည်။

 သူသည် ဂိုးသွင်းယူနိုင်ရုံသာမက ကွင်းလယ်တစ်ခုလုံး၏ ကစားကွက် ဖန်တီးမှုနှင့် အရေးကြီးသော ဆုံးဖြတ်ချက်ချမှတ်မှု အပိုင်းများကိုပါ အကောင်းဆုံး ထိန်းကျောင်း မောင်းနှင်နိုင်ခဲ့သည်။

လက်ရှိအခြေအနေများကို သုံးသပ်ရလျှင် ပေါ်တူဂီအသင်း အောင်မြင်မှု လမ်းကြောင်းပေါ် ဆက်လက် လျှောက်လှမ်းနိုင်ရေးအတွက် စီရော်နယ်ဒိုထက်ပင် ဘရူနို ဖာနန်ဒက်စ်က ပိုမိုအရေးပါသည့် အဓိက ကစားသမား (Key Player) အဖြစ် နေရာယူလာပြီဟု ဆိုလျှင် လွန်မည်မထင်တော့ပေ။ 

ဘရူနို၏ လက်ရှိ ခြေစွမ်းနှင့် ဦးဆောင်မှု အရည်အသွေးများက သူသည် ပေါ်တူဂီအသင်း၏ မရှိမဖြစ် အသက်သွေးကြောအသစ် ဖြစ်ကြောင်းကို ခိုင်မာစွာ သက်သေပြလျက်ရှိသည်။