ဖားကန့်မှာ မြေစာပုံ ပြိုလို့ လူလေးဦး သေဆုံး
- Horizons News
- Jun 28
- 1 min read
ကချင်၊ ဇွန် ၂၈ ၊ Horizons
ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာအုပ်စု၊ နမ့်မှော်ကျေးရွာ၊ သုံးသိန်းမှော်က မြေစာပုံ ပြိုကျလို့ လူသေဆုံးမှုတွေ ရှိတယ်လို့ ဒေသခံသတင်းရင်းမြစ်တစ်ဦးက ဖော်ပြပါတယ်
ဒီနေ့မနက်တစ်နာာရီခန့်မှာ သုံးသိန်းမှော်က မြေစာပုံ ပြိုကျတဲ့အတွက် လူခြောက်ဦးက ပျောက်ဆုံး နေပြီး အဲဒီအထဲမှာက သေဆုံးရုပ်အလောင်းလေးလောင်းကို ပြန်တွေ့ရှိတယ်လို့ ဒေသခံက အသိပေးပါတယ်။
ပြီးခဲ့တဲ့ မတ် ၃ ရက်နေ့က မျောက်ဖြူ - ကုလားမှော်ကျေးရွာက ကျောက်တူးဖော်တဲ့လုပ်ကွက်က မြေပြိုကျတဲ့အတွက် တစ်ဦး သေဆုံးပြီး တစ်ဦးက ထိခိုက်ဒဏ်ရာ ရရှိခဲ့ပါတယ်။
ဖားကန့်ဒေသမှာ မကြာခဏဆိုသလို မြေစာပုံတွေ ပြိုကျတဲ့အတွက် အရပ်သားပြည်သူတွေက ထိခိုက်သေဆုံးလျက် ရှိပါတယ်။
Photo - ပေးပို့(သုံးသိန်းမှော်)
Comments