မင်းပြားမြို့ မှာ ရေမြင့်တက်နေဆဲ
- Horizons News
- Jul 11
- 1 min read
ရခိုင်၊ ဇူလိုင် ၁၁ ၊ Horizons
ရခိုင်ပြည်နယ်၊ မင်းပြားမြို့နယ်မှာ ရေမြင့်တက်နေဆဲလို့ ဒေသခံသတင်းရင်းမြစ်အပြောအရ သိရပါတယ်။
မင်းပြားမြို့ပေါ်က ဦးစိုးတင့်ရပ်ကွက်၊ လမ်းမတော်ရပ်ကွက်၊ ပြည်တော်လှရပ်ကွက်က ပြည်သူနေအိမ်တွေက ရေမြင့်တက်မှုကြောင့် ပျက်စီးတယ်လို့ ဒေသခံက ပြောပါတယ်။
ပြီးခဲ့တဲ့ ဇူလိုင် ၉ ရက်နေ့က ရေမြင့်တက်လို မင်းဖူးချောင်း နဲ့ ပန်းမြောင်ကြီးချောင်းတို့က ရေကြီးနေတာ ဖြစ်ပါတယ်။
လက်ရှိအချိန်မှာ မင်းပြားမြို့နယ်က မြို့ပေါ် ရပ်ကွက် ရှစ်ခု နဲ့ ရွာပေါင်း ၃၀ ကျော်က ရေဘေးသင့် နေတာ ဖြစ်ပါတယ်။
ဒေသခံတစ်ဦးက “ မြစ်ကမ်းနားကျနေအိမ်တွေကို အာရက္ခအစိုးရက လိုက်သတိပေးနေတယ်။ ရေကျ သွားရင် ကမ်းပြိုတတ်ပါတယ်။ အဲဒီအခါ ပြောင်းရွှေ့ရပါလိမ့်မယ်” လို့ ပြောပါတယ်။
ရခိုင်ပြည်ထဲက ကျောက်တော်၊ မြောက်ဦး၊ မင်းပြား၊ ပုဏ္ဏားကျွန်း၊ ရသေ့တောင်၊ ဘူးသီးတောင်၊ မောင်တော နဲ့ ချင်းပြည်နယ်၊ ပလက်ဝမြို့နယ်တို့မှာ ကျေးရွာပေါင်း ရာနဲ့ချီက ရေဘေးသင့်နေတဲ့တွက် ပြည်သူတစ်သိန်းကျော်က အရေးပေါ်အကူအညီတွေ လိုအပ်နေတာ ဖြစ်ပါတယ်။
Comments