လက်ပံတန်းမြို့နယ်တွင် ပြည်သူများ သွားလာရေး အဆင်ပြေစေရန် ပ.က.ဖ ရဲဘော်များက လမ်းနှင့် တံတားများ ပြုပြင်ပေး

လက်ပံတန်း ၊ ဩဂုတ် ၇ ၊ Horizons

ပဲခူးတိုင်း၊ လက်ပံတန်းမြို့နယ်အတွင်း မိုးရာသီကာလကြောင့် ဒေသခံပြည်သူများ သွားလာရေး ခက်ခဲနေသည့် လမ်းများနှင့် တံတားများကို လက်ပံတန်းမြို့နယ် ပြည်သူ့ကာကွယ်ရေးအဖွဲ့ (ပ.က.ဖ) ရဲဘော်များက ဦးဆောင်၍ ပြုပြင်တည်ဆောက်မှုများ ပြုလုပ်ပေးခဲ့ကြောင်း ယနေ့ (ဩဂုတ်လ ၇ ရက်) တွင် သတင်းထုတ်ပြန်သည်။

အဆိုပါ လမ်းနှင့် တံတားများ ပြုပြင်တည်ဆောက်ရေး လုပ်ငန်းများကို လက်ပံတန်း ပ.က.ဖ ရဲဘော်များက ဒေသခံပြည်သူများနှင့်အတူ လက်တွဲကာ တက်ကြွစွာ ပူးပေါင်းလုပ်ဆောင်ခဲ့ကြခြင်းဖြစ်ကြောင်း ထုတ်ပြန်ချက်တွင် အသိပေးထားသည်။

တော်လှန်ရေးအင်အားစုများဖြစ်သည့် ပြည်သူ့ကာကွယ်ရေးအဖွဲ့များအနေဖြင့် စစ်ရေးလှုပ်ရှားမှုများသာမက ယခုကဲ့သို့ ပြည်သူများ၏ အခက်အခဲများကို ဖြေရှင်းပေးသည့် ပြည်သူ့အကျိုးပြု လုပ်ငန်းများကိုပါ ဒေသခံများနှင့် ပူးပေါင်းကာ တစ်ဖက်တစ်လမ်းမှ ကူညီဆောင်ရွက်ပေးလျက်ရှိကြောင်း သိရှိရသည်။